';function Lazy(){if(LazyAdsense){LazyAdsense = false;var Adsensecode = document.createElement('script');Adsensecode.src = AdsenseUrl;Adsensecode.async = true;Adsensecode.crossOrigin = 'anonymous';document.head.appendChild(Adsensecode)}}
أخر الاخبار

تعرف علي أفضل الأماكن لعمل فوتوسيشن في القاهرة برسوم وبدون رسوم

مرحبا بكم متابعين موقع معاذ اشرف

تعرف علي أفضل الأماكن لعمل فوتوسيشن في القاهرة برسوم وبدون رسوم

لو فرحك أو خطوبتك قربت وعايزين تعملو سيشن outdoor session مميز ومختلف ومحتارين تعملوه فين ومش قادرين تختارو مكان معين ؟ احنا هنسهل عليكم الموضوع ونحاول نقسم اماكن التصوير لأربع انواع 

4 أنواع من الأماكن اللي ممكن تعمل فيها فوتوسيشن مميز جدا في القاهرة أو خارجها :

1- حدائق أو منتزهات.

2- أماكن أثرية او تاريخية و صحراوية.

3- أماكن نهرية أو بحرية.

4- أماكن مجنونة مطرقعة وتصلح جدا للويدينج أو سيشن الكاجوال.

أولا : الحدائق أو المنتزهات اللي ممكن تاخد فيها صور حلوة جدا مميزة :

 1- حديقة الأسرة بالرحاب Family park

مزاياها : من الأماكن اللي فيها أماكن حلوة وبتكون ممتازة في التصوير - مكان هادي 

عيوبها : اسعار دخول الكاميرات والفوتو سيشن عالية الي حد ما وبتحدد بدخول 3/4 أشخاص + الكاميرا 

أو دخول 4 أشخاص + الكاميرا + 15 دقيقة في البرج ( سعر تذكرة دخول المصور و 3 أفراد 1500 جنية ).

2- حديقة الأزهر Al Azhar Park

مزاياها : مساحتها الكبيرة - فيها مناظر حلوة جدا للقاهرة - سعر التذاكر مناسب اوي .

عيوبها : الحديقة زحمة في ايام الاجازات - مفيهاش خصوصية - فيها رسوم لدخول الكاميرا ( تذكرة الدخول ب 20 جنية لأي فرد والتصوير ب300 جنيه العرسان )

3- جزيرة المعادي

مزاياها مساحتها كويسه - المنظر هناك يجنن مع النيل والخضرة الصور بتطلع حلوة - سعر التذكرة من ( 20 - 40 جنيه )

عيوبها : زحمة في ايام الاجازات وكمان اسعارها مرتفعه نسبيا في الاجازات يوجد رسوم دخول للكاميرا ( 500 رسوم دخول عريس وعروسة + الكاميرا )

4- حديقة الأندلس " مدخل الزمالك "

مزاياها : موجود فيها كذا قسم ( القسم الاندلسي - القسم الفرعوني - القسم الاسلامي ) - سعر التذكره تقريبا " 5 جنيه " والمكان مش زحمة معظم الوقت

لكن فيه رسوم بردو لدخول الكاميرا ( سعر التصوير 400 جنيه وثمن تذكرة الدخول لأي فرد 5 جنيه زي ما قولنا ) .

5- حديقة الأسماك " جبلاية الأسماك "

مزاياها : المنظر فيها مختلف وخصوصا عند الجبلاية - سعر التذكرة 5 جنية - مفيش زحمة إلا الأيام اللي بيكون فيها الحفلات او المعارض

عيوبها : مواعيدها من (9.30 صباحا إلي 5 مساءا ) بس - لازم يبقي فيه متابعة لأيام الحفلات - ممكن الجبلاية تتقفل في أي وقت

فيه رسوم لدخول الكاميرا ( تذكرة تصوير عريس وعروسة 250 جنية )

6- حديقة العروبة " صلاح سالم "

مزاياها : محدش يعرف عنها حاجه تقريبا - لسه نضيفة - مفيش رسوم دخول للكاميرا 

العيوب : احيانا بيكون فيه حفلات او معارض ممكن تعمل زحمة

7- سفاري بارك Safari Park " الهرم "

مزاياها : فيها كتير مساحات واسعة - مناظر مختلفة ما بين خضرا وحيوانات وبحيرات - سعر التذكرة من ( 10 - 15 جنية ) - مفيش رسوم دخول للكاميرا

العيوب : الزحمة خلال الأجازات

ثانيا : الأماكن الأثرية والمعمارية والصحراوية اللي ممكن يتصور فيها صور مميزة :-

1- شارع المعز

مزاياها : من الأماكن الممتازة في التصوير - مساجد وبيوت بتبقي حلوة في التصوير - رسوم دخول بسيطة - مفيش تصريح للتصوير ولا رسوم دخول للكاميرا

عيوبة : زحمة طول الوقت - مفيش اي خصوصية - اضاءة الشارع ضعيفة جدا

2- الأهرامات

المزايا : فيه مساحة واسعة - مش زحمة معظم الوقت - سعر تذكرة الدخول 5 جنية تقريبا 

العيوب : مواعيد العمل من ( 10 صباحا إلي 6 مساءا ) بس - بالنسبة للتعامل الامني صعب شويتين - البايعين وكمان بتوع الحصنه والجمال بينطوا في الصور وفي الصور وفيه تطاول في طلب البقشيش فيه رسوم دخول للكاميرا

3- القلعة 

مزاياها : المنظر منها تحفة وانت شايف القاهرة ادامك - تراث وتفاصيل بتظهر بشكل حلو اوي في الصور - مش زحمة وسط الأسبوع - سعر تذكرة الدخول " 5 جنية " للمصريين نهارا ، و60 جنية ليلا

العيوب : مواعيد العمل من ( 9 إلي 5 ) فقط - زحمة لو في رحلات او اجازات ، فيه رسوم لدخول الكاميرا

4- قصر البارون

المزايا : خلفية تصوير مختلفة ومميزة - في خصوصية ومش بيكون زحمه 

العيوب : يحتاج تصريح أمني تكلفته من ( 500 إلي 900 جنية ) ، ممنوع التصوير داخل القصر ، مفيش مصدر اضاءة غير أضواء القصر

( بيكون لو هتصور الصبح ب 1200 وبليل ب 1600 جنية )

5- قصر محمد علي " في المنيل "

مزايا : خلفية تصوير مختلفة ومميزة - ركنات كثيرة للتصوير

العيوب : الحجز بيكون مسبق ، فيه رسوم لدخول الكاميرا ( التذكرة سعرها 50 جنية للتصوير العادي اما لو عريس وعروسة ب1000 جنية )

6- بانوراما حرب اكتوبر

المزايا : مكان مختلف ومميز ، الصور فيه بتطلع حلوة جدا سواء بالنهار أو بليل ، وفيه مناظر فريدة وكويسة جدا للتصوير

العيوب : الحجز بيكون مسبق ، وفيه رسوم لدخول الكاميرا والمصور ( بيكون ب 1400 جنية شامل رسوم التصوير بالنادي للعريس والعروسة وسيشن ساعة )

7- الأماكن الصحراوية اللي ممكن نصور فيها صور مميزة :-


أولا : ليه نتصور في صحرا ؟

1- لأن الصور فعلا بيكون شكلها مختلف عن الصور الطبيعية للسيشن

2- بتوفر مساحة واسعة جدا

3- تنفيذ أكتر من فكرة فيها .

ثانيا : الأماكن الصحراوية حوالي 65% من مساحة مصر معظمها خارج حدود القاهرة .


ثالثا : من أهم الأماكن داخل القاهرة والمختلفة في التصوير

1- محمية وادي دجلة

مزاياها : منطقة هادية ومميزة جدا ، مش زحمة ، مساحة واسعة جدا ، خلفيات رائعة متنوعه بين الجبال والأشجار

عيوبها : الحجز المسبق ، يوجد رسوم دخول للكاميرا

2- منطقة سقارة

مزاياها : منطقة هادية ومميزة جدا ، مش زحمة ، مفيش تصاريح للتصوير ، مساحة واسعة جدا

عيوبها : بعيد عن القاهرة

ثالثا من الأماكن النهرية أو البحرية اللي ممكن تتصورفيها صور مميزة :-

1- ممكن تعمل سيشن تصوير في مركب شراعي علي النيل ( رومانسية بقي )

2- الكورنيش بقي ( الزمالك او المعادي ) بس الصبح بدري عشان الزحمة

3- جزيرة في النيل.. زي " جزيرة الدهب ، جزيرة الوراق ، فناره المعادي ، منطقة كافيهات ميزاج المعادي "

رابعا : أماكن مجنونة مطرقعة تنفع لفوتوسيشن فيه صور مميزة وتصلح جدا للويدينج او الكاجوال سيشن :-

* مدخل مدينتي : تحفه واماكن نضيفه جدا وطبعا ببلاش

* الاوبرا : في اماكن تحفة في الاوبرا ومعظم الناس مش عرفنها بس احيانا بيبقي في غلاسة شوية

* بورتو كايرو Porto Cairo : فكرة مختلفة شوية في تصوير سيشن بعيدة عن الزحمة

* الفيوم : وادي الريان وبحيرة قارون

* افريكانو بارك : فيها اماكن جميلة جداا وسط الحيوانات والمناظر الرائعه

* اسكندرية : القلعة وشواطئ اسكندرية وخصوصا منطقة الصخور وأبو قير والمنتزه

* بورتو السخنه : الجمع بين الجبال والمياه وتعتبر قريبه من القاهرة

* ملابس صعيدي او فلاحي او اسكندراني مع عمل الجو الملائم لها

* حديقة فجنون " علي طريق سقارة " ، تذكرة 500 جنية للسيشن .

وبكدة نكون عرفناكم بأشهر أماكن تصوير فوتوسيشن مميز للعرسان أو حتي لأي مناسبة عندكم وحاولنا نجمع لكم اسعار بعض الاماكن دي

ملحوظة صغيرة " الأسعار ممكن تكون متغيرة يفضل السؤال قبل الحجز للتأكد ".

تعليقات



حجم الخط
+
16
-
تباعد السطور
+
2
-