خطوات وإجراءات مهمه عليك فعلها لتجربة سفر سلسة - قبل و بعد الرحلة

 مرحبا بكم متابعين موقع معاذ اشرف 👑 

 ما هي الخطوات المطلوبه قبل السفر 

* حدد احلامك وافكارك.

* أعراف الدوافع ومثيرات الأهتمام بالهجره.

* جمع معلوماتك.

* أعرف طرق الهجره الامنه.

* أحسب المكاسب والخسائر المترتبه علي قرار السفر.

* خد قرارك.

 ما هي الخطوات التي تلي القرار بالسفر؟ 

* التعامل مع السفارات.

* التدريبات المطلوبه.

* نصائح الأستعداد للرحله.

* الإرشادات الواجبه ( افعل & لا تفعل ).

* الأندماج في المجتمعات المضيفه.

 هناك طرق كثيره امنه ممكن ان تسافر بها للبلد التي تريد زيارتها 

السفر للسياحة

ممكن تاخد تأشيره سياحه للبلد اللي انت عاوز تروحها ، بس لازم تاخد بالك ان تأشيره السياحة بتبقي مدتها محدده حسب قوانين كل دولة يعني لو قعدت في البلد مده اطول من المسموحه هتتحول لمهاجر غير شرعي وتترحل او تتحبس ، وليها شروط ونظم لازم تتبعها وانت بتقدم عليها في السفاره وكل الشروط دي موجوده دايما علي موقع السفاره او علي باب السفاره اللي انت عاوز تسافر ليها.

السفر للدراسه

لو انت عاوز تكمل تعليمك او تدرس مهنه في نظام التدريب المهني التابع لأي دوله ، لازم تعرف ان شرط أساسي لقبولك في الدراسه عندهم أنك تكون بتعرف لغتهم يعني لو إيطاليا لازم تعرف لغه إيطاليه لو فرنسا لازم تعرف لغه فرنساوي لو أمريكا لازم تعرف إنجليزي ، وبرضوا لازم تعرف إن ليها شروط وطرق تقديم في السفاره ممكن تلاقيها علي موقعهم علي الإنترنت او علي أبواب السفاره نفسها ، وممكن تتواصل معاهم بالتليفون عن طريق خدمه الخط الساخن بتاعهم.

السفر للعمل

احنا اتكلمنا عن نظام العمل في الخارج وعرفنا نظام العمل بس أنت عارف أزاي تقدم عشان تاخد تأشيره عمل في سفاره أي دوله ولازم توضح في طلب التأشيره نوع العمل ايه ؟ يعني مستقل ولا موسمي ولا دائم ؟ وكل دوله ليها شروط ونظم لازم تكون موجودة عندك

خلي بالك...

* لازم يبقي معاك عقد عمل صحيح.

* لازم تكون بتعرف لغه البلد اللي هتسافر ليها علي الأقل مستوي متوسط.

* لازم يكون معاك مهنه وشهاده خبره في المهنه دي ( لو أنت داخل البلد علي أساس أنك عامل تابع لشركه أو شخص أخر.

 ارشادات عامه 

الارشادات والخطوات علي المصريين في الخارج إتباعها ، حال تعرضهم لاي مشكله ، خلال عملهم بالخارج او اقامتهم خارج الوطن ، وذلك حتي يضمنوا حقوقهم ويحصلوا عليها بالطرق القانونيه وذلك وفقا لما يلي :

1- اذا كان التمثيل القنصلي المصري قريب من مقر اقامتك بالبلد التي تقطن بها بالخارج فعليك اولا الذهاب للقنصليه والتواصل مع القنصل العام لبحث مشكلتك.

2- التواصل مع اقاربك بمصر واخبارهم بطبيعه المشكله اذا كان مقر التمثيل القنصلي بعيدا عن مقر اقامتك.

3- اذا كانت المشكله تتعلق بمكان عملك بالخارج تواصل مع مكتب التمثيل العمالي هناك.

4- التواصل بالخط الساخن للشكاوي ( 19787 ) بوزاره الهجره ويتواصل معك فريق عمل متخصص بالوزاره لحل المشكله.

5- التواصل بوزاره الهجره عن طريق الارقام التاليه : من خارج مصر ( 00202)33036436 ) ومن داخل مصر " (02)33036436 " ، والفاكس : 33036437 وعلي الايميل Email:%20Egyptionsabroad@emigration.gov.eg

6- يتلقي الخط الساخن للشكاوي ( 19787 ) بوزاره الهجره كافه الإتصالات للمصريين بالخارج من الساعه 9 صباحا حتي ال 5 مساءا عدة ايام الجمعه والسبت.

7- خط الشكاوي لوزاره الهجره علي إتصال بكافه الجهات ومؤسسات الدوله ولديه قائمه بالمحامين بالدوله العربيه لتوفير الدعم القانوني للمصريين بالخارج.

 ازاي تتعامل مع السفارات ؟ 

* بمجرد ما تجهز كل الأوراق المطلوبه منك للحصول علي تأشيره الدوله اللي انت رايحها في خطوات لازم تعملها أحصل علي موعد لمقابله في السفاره.

* معظم السفارات متعاقده مع شركات المحمول أو شركات الكول سنتر برقم مختصر تتواصل بيه عشان تطلب ميعاد وطبعا لازم ده قبل السفر علي الاقل بمده توصل لاربع شهور علي الاقل.

* وانت بتطلب الموعد لازم تحدد نوع التأشيره اللي انت عاوزها وميعاد سفرك ايه.

* تروح قبل الموعد.

* لازم تكون أدام قبل الموعد بنص ساعه علي الأقل لأنهم بينادوا علي الأسماء اللي محدد لهم زياره في اليوم ده ، وخلي ورقك دائما جاهز ومصور نسختين منه.

* أو ما تدخل السفاره.

* لازم تكون مبتسم وبشوش في السفاره خصوصا لما بيسألك موظف الشباك علي بعض المعلومات ومهم جدا أن ردك يكون جاهز وبكل هدوء حتي لو هناك اي اسئله مكرره.